ಮಂಗಳೂರು, ನ.01: ತುಳುನಾಡಿನಲ್ಲಿ ದೈವೀ ಶಕ್ತಿ ದಿನದಿಂದ ದಿನಕ್ಕೆ ಒಂದಲ್ಲಾ ಒಂದು ರೂಪದಲ್ಲಿ ಶಕ್ತಿ ಕಾರ್ಣಿಕವನ್ನು ತೋರಿಸುತ್ತಿದೆ. ಹಾಗೇನೇ ನಗರದ ಪಚ್ಚನಾಡಿಯ ಬಂದಲೆಯಲ್ಲಿ ಅಚ್ಚರಿಯ ಘಟನೆ ನಡೆದಿದೆ.
ತುಳು ರಂಗಭೂಮಿ ನಟ ಸತೀಶ್ ಬಂದಲೆಯವರು ಶ್ರೀಮಂತ ರಾಜಗುಳಿಗ ಕ್ಷೇತ್ರ ಮೂಡುಮನೆಗುತ್ತು ದೈವ ಚಾಕರಿ ಮಾಡುತ್ತಿದ್ದು, ಎಂದಿನಂತೆ ದೈವಕ್ಕೆ ದೀಪಾರತಿ ಮಾಡುವ ವೇಳೆ ವಿಸ್ಮಯಕಾರಿ ಘಟನೆಗೆ ಸಾಕ್ಷಿಯಾಗಿದೆ.
ಗುಳಿಗ ದೈವಕ್ಕೆ ಪೂಜೆ ನಡೆಯುವ ಸಂದರ್ಭ ವಿಸ್ಮಯಕಾರಿಯಾಗಿ ಹಕ್ಕಿಯೊಂದು ಬಂದು ದೈವದ ವಿಗ್ರಹದ ಮೇಲೆ ಕುಳಿತು ಹೂವಿನ ಪ್ರಸಾದ ಕರುಣಿಸಿದೆ.
ಇದು, ಹಕ್ಕಿಯ ರೂಪದಲ್ಲಿ ಬಂದ ಗುಳಿಗ ಹೂವಿನ ಪ್ರಸಾದವನ್ನು ಕರುಣಿಸಿದ್ದಾನೆಂದು ಭಕ್ತರು ನಂಬಿದ್ದಾರೆ. ಸದ್ಯ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ವೈರಲ್ ಆಗುತ್ತಿದೆ.
