ಮಂಗಳೂರು : ದಕ್ಷಿಣ ಕನ್ನಡ ಜಿಲ್ಲೆಯ ಮೂಡುಬಿದಿರೆ ಬಳಿಯ ಮುದು ಕೊಣಾಜೆಯಲ್ಲಿ ಇತ್ತೀಚೆಗೆ ನಡೆಸಿದ ಪುರಾತತ್ವ ಅನ್ವೇಷಣೆ ವೇಳೆ ಪ್ರಾಚೀನ ಟೆರಾಕೋಟಾ ಪ್ರತಿಮೆಗಳು ಕಂಡುಬಂದಿವೆ.
ಮೂಳೆ ಮತ್ತು ಕಬ್ಬಿಣದ ತುಂಡುಗಳೊಂದಿಗೆ ಸಂರಕ್ಷಣೆಯ ವಿವಿಧ ಹಂತಗಳಲ್ಲಿ ವಿಶಿಷ್ಟವಾದ ಪ್ರತಿಮೆಗಳು ಕಂಡುಬಂದಿವೆ. ಈ ಪ್ರತಿಮೆಗಳು ಕ್ರಿ.ಪೂ 800-700 ವರ್ಷಗಳಷ್ಟು ಹಳೆಯದಾಗಿರಬಹುದು ಎಂದು ಉಡುಪಿ ಜಿಲ್ಲೆಯ ಶಿರ್ವದ ಮುಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜಿನ ಪ್ರಾಚೀನ ಇತಿಹಾಸ ಮತ್ತು ಪುರಾತತ್ವಶಾಸ್ತ್ರ ವಿಭಾಗದ ನಿವೃತ್ತ ಸಹಾಯಕ ಪ್ರಾಧ್ಯಾಪಕ ಟಿ.ಮುರುಗೇಶಿ ಹೇಳಿದ್ದಾರೆ.
ಪತ್ತೆಯಾದ ಎಂಟು ಪ್ರತಿಮೆಗಳಲ್ಲಿ ಎರಡು ಗೋವುಗಳು, ಒಂದು ಮಾತೃ ದೇವತೆ, ಎರಡು ನವಿಲುಗಳು, ಒಂದು ಕುದುರೆ, ಮಾತೃ ದೇವಿಯ ಕೈ ಸೇರಿದಂತೆ ಇನ್ನಿತರ ವಸ್ತುಗಳು ಒಳಗೊಂಡಿವೆ. ಮುಡು ಕೊಣಾಜೆಯಲ್ಲಿರುವ ಬೃಹತ್ ಶಿಲಾಯುಗದ ತಾಣವನ್ನು ಇತಿಹಾಸಕಾರ ಮತ್ತು ಸಂಶೋಧಕ ಪುಂಡಿಕೈ ಗಣಪಯ್ಯ ಭಟ್ ಅವರು 1980 ರ ದಶಕದಲ್ಲಿ ಕಂಡುಹಿಡಿದು ವರದಿ ಮಾಡಿದ್ದರು ಎಂದು ಅನ್ವೇಷಣೆಯಲ್ಲಿ ಭಾಗಿಯಾಗಿದ್ದ ಮುರುಗೇಶಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಈ ಸ್ಥಳವು ಮೂಡುಬಿದಿರೆಯಿಂದ ಸುಮಾರು 8 ಕಿ.ಮೀ ದೂರದಲ್ಲಿರುವ ಮೂಡುಬಿದಿರೆ-ಶಿರ್ತಾಡಿ ರಸ್ತೆಯಲ್ಲಿದೆ. ಇದು ಕಲ್ಲಿನ ಬೆಟ್ಟದ ಇಳಿಜಾರಿನಲ್ಲಿ ಒಂಬತ್ತು ಡಾಲ್ಮೆನ್ಗಳನ್ನು ಒಳಗೊಂಡಿರುವ ಅತಿದೊಡ್ಡ ಮೆಗಾಲಿಥಿಕ್ ಡಾಲ್ಮೆನ್ (ಸಮಾಧಿ) ತಾಣವಾಗಿದೆ. ಆದರೆ ಕೇವಲ ಎರಡು ಡಾಲ್ಮೆನ್ಗಳು ಮಾತ್ರ ಹಾಗೇ ಉಳಿದಿವೆ ಮತ್ತು ಉಳಿದ ಸಮಾಧಿಗಳು ಹಾನಿಯಾಗಿವೆ ಎಂದು ಅವರು ಹೇಳಿದರು.
ಡಾಲ್ಮೆನ್ ಅಡಿಯಲ್ಲಿ, ದೊಡ್ಡ ಕಲ್ಲಿನ ಚಪ್ಪಡಿಗಳನ್ನು ಗಡಿಯಾರದ ಕ್ರಮದಲ್ಲಿ ನಿರ್ಮಿಸಲಾಗಿದೆ, ಈ ಚೌಕಾಕಾರದ ಕೋಣೆಯನ್ನು ಕ್ಯಾಪ್ ಸ್ಟೋ್ನಂತೆ ಮತ್ತೊಂದು ದೊಡ್ಡ ಕಲ್ಲಿನ ಚಪ್ಪಡಿಯಿಂದ ಮುಚ್ಚಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ಬೃಹತ್ ಶಿಲಾಯುಗದ ಸಂದರ್ಭದಲ್ಲಿ ಮುಡು ಕೊಣಾಜೆಯಲ್ಲಿ ಕಂಡುಬರುವ ಟೆರಾಕೋಟಾ ಪ್ರತಿಮೆಗಳು ಭಾರತದ ಅಪರೂಪದ ಆವಿಷ್ಕಾರವಾಗಿದೆ. ಸಮಾಧಿಗಳು ನಿಧಿ ಶೋಧಕರಿಂದ ಹಾನಿಗೊಳಾಗಿರುವುದು ಕಂಡುಬಂದಿವೆ. ಡಾಲ್ಮೆನ್ಗಳಲ್ಲಿ ಕಂಡುಬರುವ ಗೋವುಗಳು ಡಾಲ್ಮೆನ್ಗಳ ಕಾಲಾನುಕ್ರಮವನ್ನು ನಿರ್ಧರಿಸಲು ಸಹಾಯ ಮಾಡುತ್ತವೆ.
ಬೃಹತ್ ಶಿಲಾಯುಗದ ಸಮಾಧಿಯಲ್ಲಿ ಕಂಡುಬರುವ ಟೆರಾಕೋಟಾಗಳು ಕರಾವಳಿ ಕರ್ನಾಟಕದ ಭೂತ ಪಂಥ ಅಥವಾ ದೈವರಾಧನೆಯ ಅಧ್ಯಯನಕ್ಕೆ ದೃಢವಾದ ನೆಲವನ್ನು ಒದಗಿಸುತ್ತವೆ. ಕೇರಳ ಮತ್ತು ಈಜಿಪ್ಟಿನ ಮಲಂಪುಳಾ ಮೆಗಾಲಿಥಿಕ್ ಟೆರಾಕೋಟಾ ಪ್ರತಿಮೆಗಳಲ್ಲಿ ಗೋವು ಅಥವಾ ಗೋ ದೇವತೆಗಳನ್ನು ಕಾಣಬಹುದು.
